तरुणांचा दीपस्तंभ:, सूर्यवंशी क्षत्रिय युवक मंडळ
- प्रमोद पाटील
एखादी संस्था अविरतपणे ५६ वर्ष जोमाने कार्य करत असते, तेव्हा अशा संस्थेचे कार्य हे निश्चितच नव्या पिढीला प्रेरणादायी, नवी दिशा देणारं असतं. एखाद्या दीपस्तंभासारखे असते. मंडळाची स्थापना करतांना मंडळाच्या आद्य संस्थापक आणि कार्यकर्त्यांनी पुढील काळाची अचूक पावले ओळखून अत्यंत दूरदृष्टीने विचार करूनच स्थापना केली. आज मंडळाच्या माध्यमातून विविध क्रीडा स्पर्धांचे आयोजन करून समाजातील युवक-यवतींच्या कलागुणांना प्रोत्साहन दिले जाते. शेतकरी दौरा अथवा मेळाव्याच्या माध्यमातून शेतकरी बांधवांना आधुनिक शेती कशा पद्धतीने करावी याचे तंत्र दिले जाते. शाळकरी विद्यार्थ्यांना दहावीच्या परीक्षेबरोबरच विविध स्पर्धा परीक्षांना सहजच कसे सामोरे जावे याबाबत आत्मविश्वास दिला जातो. त्यांना मार्गदर्शन केले जात आहे. रक्तदान अथवा आरोग्य शिबिरातून गरजूंना योग्य त्या आरोग्याच्या सुविधा उपलब्ध करून दिल्या जात आहेत. विविध प्रकारच्या आपत्तीत सापडलेल्या आपदग्रस्तांना मंडळाच्या माध्यमातून आर्थिक मदत केली जात आहे. हुशार आणि गरजू विद्यार्थ्यांना मंडळाच्या माध्यमातून विविध दात्यांच्या स्मरणार्थ अथवा नावे शिष्यवृत्ती देऊन तुम्ही फक्त लढा असा विश्वास दिला जातोय. वनराई बंधारे, वृक्षारोपण या सारख्या उपक्रमांचा विचार केला तर सहजच आपल्या लक्षात येईल की निसर्गाचा समतोल राखण्याबरोबरच मंडळाच्या माध्यमातून "समाजाला एकसंघ" ठेवून प्रगतीच्या दिशेने नेण्याचे काम अविरत सुरु आहे. मंडळाच्या व्यासपीठावरून अनेक कार्यकर्ते घडले आणि असंख्य कार्यकर्ते घडत आहेत. या मंडळाचा एक माजी अध्यक्ष तथा माजी विश्वस्त म्हणून निश्चितच मला सार्थ अभिमान आहे.
वर्धापन दिनाच्या निमित्ताने तरुणांना एकच आवाहन करावेसे वाटते की, आपण आलेल्या आव्हानांना धैर्याने सामोरे जाऊन अथक परिश्रम करून आपल्याबरोबरच समाजाचा विकास करून नाव उज्ज्वल करावे.
धन्यवाद!
जय कुणबी!
आपला,
- 📘प्रमोद भालचंद्र पाटील
माजी अध्यक्ष/ माजी विश्वस्त
सूर्यवंशी क्षत्रिय युवक मंडळ पालघर तालुका पूर्व विभाग
Comments
Post a Comment