सफाळयात इंटर नॅशनल लायन्स क्लब च्या माध्यमातून सॅटेलाइट सर्व्हीस वीकचे उदघाटन

प्रमोद पाटील
केळवे वार्ताहर ता.6

   बहुसंख्य समाज आजही दारिद्र्य आणि बेकारीने गांजलेला आहे. अशा समाजाला विकासाच्या प्रवाहात आणण्यासाठी सामाजिक संघटना नेहमीच प्रयत्नशील असतात.याचे भान ठेवून लायन्स क्लब च्या माध्यमातून विविध उपक्रम हाती घेण्यात आले आहेत असे लायन्स क्लबचे  डिस्ट्रीक गव्हर्नर डाॅ दिपक चौधरी यांनी सांगितले.

                इंटरनॅशनल लायन्स क्लब तर्फे सॅटेलाईट सर्व्हीस वीकचे उदघाटन रविवारी (ता. 6) सफाळे येथील राजगुरु ह म विद्यालयात करण्यात आले. या वेळी बोलताना डाॅ.चौधरी यांनी समाजातील दानशूर व्यक्तींच्या सहकार्याने लायन्स क्लब च्या माध्यमातून  विविध उपक्रम हाती घेत आहोत. विशेषतः खेडयातील विद्यार्थी दळण वळणांच्या सोयी सुविधा नसल्याने विद्यार्थ्यांना शाळेत येण्यासाठी खुपच त्रास होत असल्याने गरीब आणि होतकरू विद्यार्थ्यांना 120 सायकली वाटप करण्यात आल्या आहेत असे सांगितले.

              या वेळी मुंबई आणि मुंबई उपनगरातील वरळी, सांताक्रूझ, गोरेगाव पासून सफाळे, पालघर, बोर्डी पर्यंत सुमारे 75 लायन्स क्लब चे पदाधिकारी आणि सदस्य सहभागी झाले होते.  

   या वेळी गरजूंना चादर, ब्लॅन्केट, चटई, कापडी बॅगा, तेल, डाळ, कडधान्ये, पिठ, सायकली आदी वस्तू वाटप करण्यात आले.तसेच या वेळी मोफत नेत्रचिकित्सा, मधूमेह तपासणी करण्यात आली. सुमारे नव्वद लाख रुपयांच्या विविध जीवनावश्यक वस्तूंचे वाटप करण्यात आले. 

               सफाळे लायन्स क्लब चे अध्यक्ष दामोदर पाटील यांच्या विशेष प्रयत्नांने झालेल्या या कार्यक्रमात लायन्स क्लब चे एम जे एफ हिरालाल शर्मा, बिपीन सोलंकी, फस्ट व्हाईस डिस्टीक गव्हर्नर अजित जैन, सेकंड व्हाईस डिस्टीक गव्हर्नर

शशिकांत मोदी,डिस्ट्रिक कॅबिनेट सचिव मनोज बापट, स्मिता चौधरी व 75 क्लब चे अध्यक्ष आणि पदाधिकारी तसेच ग्रामीण शिक्षण संस्थेचे सचिव अॅड दीपक भाते, खजिनदार कांती दोशी , सफाळे क्लब चे पदाधिकारी आणि सदस्य उपस्थित होते.

       कार्यक्रमाच्या सुरूवातीला लेझिम पथकाचे विविध प्रकारचे प्रात्यक्षिके तर त्यानंतर विद्यार्थ्यांनी विविध सांस्कृतिक कार्यक्रम सादर केले. यावेळी मोखाडा येथील पारंपरिक आदीवासी नृत्यांनी विशेष दाद मिळवली.

छाया- प्रमोद पाटील