कोकण पदवीधर मतदारसंघाचे आमदार अॅड निरंजन डावखरे यांचा पालघर दौरा शिक्षण क्षेत्रातील विविध समस्या सोडवण्यासाठी प्रयत्न करणार; आमदार अॅड. निरंजन डावखरे
कोकण पदवीधर मतदारसंघाचे आमदार अॅड निरंजन डावखरे यांचा पालघर दौरा
शिक्षण क्षेत्रातील विविध समस्या सोडवण्यासाठी प्रयत्न करणार; आमदार अॅड. निरंजन डावखरे
(प्रमोद पाटील)
पालघर: विद्यार्थ्यांनी प्रशासकीय अधिकारी बनण्याचे स्वप्न उराशी बाळगून ते पूर्ण करण्यासाठी सतत धडपड करायली हवी. पाच जिल्हयांमिळून विस्तीर्ण असलेल्या कोकण पदवीधर मतदारसंघात विविध समस्या आहेत. मात्र या भागातील जनतेने पुन्हा मला निवडून देऊन माझ्यावर विश्वास ठेवला आहे त्या विश्वासाला तडा जाऊ दिला जाणार नाही असे प्रतिपादन आमदार अॅड निरंजन डावखरे यांनी केले.
पालघर जिल्हयातील शिक्षण क्षेत्रातील विविध समस्या सोडवण्यासाठी, जाणून घेण्यासाठी कोकण पदवीधर मतदारसंघाचे विद्यमान आमदार अॅड. निरंजन डावखरे यांनी गुरुवारी ता. 25 ऑक्टोबर 2018 रोजी पालघर व वसई तालुक्याचा धावता दौरा केला. गुजरात राज्याच्या सीमे पासून गोव्याच्या सीमे पर्यंत विखुरलेला कोकण पदवीधर मतदारसंघ आहे.
सफाळे येथील विद्याभवन विदयालय एडवण येथे झालेल्या सत्कार समारंभात सत्काराला उत्तर देताना डावखरे यांनी आजच्या विद्यार्थ्यांला विविध क्षेत्रात मोठ्या प्रमाणात वाव असून विद्यार्थ्यांनी नेहमी चौकस राहून त्याचे सोने करणे आवश्यक आहे असे सांगितले.
आदर्श शिक्षण संस्थेचे कार्यवाह चंदुलाल घरत यांनी प्रास्ताविक केले. यावेळी त्यांच्या समवेत पालघर लोकसभा विस्तारक बाबजी काटोळे, मेघराज शिक्षण संस्थेचे कार्यवाह चंदुलाल घरत, श्री ज्ञानवर्धिनी शिक्षण संस्थेचे अध्यक्ष सुजित पाटील, ठाणे -पालघर जिल्हा माध्यमिक शिक्षक संघटनेचे अध्यक्ष पी. टी. पाटील, माजी अध्यक्ष प्रमोद पाटील , संतोष जनाथे व मान्यवर उपस्थीत होते.
या वेळी पालघर तालुक्यातील लोकनायक जयप्रकाश नारायण विदयालयात संस्थेचे पदाधिकारी संस्थेचे कार्याध्यक्ष चिंतामण ठाकूर, कार्यवाह विश्वनाथ पाटील, मुख्याध्यापिका संगिता गावड , जेष्ठ कार्यकर्ते संजिव म्हात्रे आदी उपस्थित होते. त्यांनी आपल्या विविध मागण्यांचे निवेदन आमदार डावखरे यांना दिले तर माध्यमिक शिक्षक पतपेढी भवन येथे माध्यमिक शिक्षक संघटनेचे अध्यक्ष पी. टी. पाटील, कार्यवाह गणेश प्रधान, पतपेढीचे अध्यक्ष संतोष पावडे, शिक्षक परिषदेचे शशिकांत चौधरी, विद्या सेवक पतपेढीचे अध्यक्ष सुधीर घागस, माध्यमिक शिक्षक संघटनेचे माजी अध्यक्ष प्रमोद पाटील, पतपेढीचे पदाधिकारी व संचालक उपस्थित होते. या सभेमध्ये डावखरे यांनी शिक्षक आणि शिक्षकेतर कर्मचारी यांच्या विविध अडचणी समजावून घेतल्या. यावेळी माध्यमिक शिक्षणाधिकारी मोहन देसले यांनी शिक्षकांची प्रलंबित असलेली प्रकरणे लवकरात लवकर निकाली काढण्यात येतील असे आश्वासन दिले.
बोईसर येथील स. दा. वर्तक विदयालयात शिक्षक व संस्था चालक यांच्या झालेल्या संयुक्त सभेत पालघर जिल्हा मुख्याध्यापक संघटनेचे अध्यक्ष डॅरेल डिमेलो यांनी बहुल आदिवासी असलेल्या पालघर जिल्ह्याला मुंबईला न जोडता नाशिकला जोडावे. म्हणजे ग्रामीण भागातील खेळाडूंना संधी मिळेल असे सांगून पालघर जिल्हयासाठी वेतन पथक व लेखाधिकारी कार्यालय सुरू करण्यात यावे अशी मागणी केली. या कार्यक्रमाचे प्रास्ताविक पालघर तालुका शारीरिक शिक्षण शिक्षक संघटनेचे अध्यक्ष प्रमोद पाटील यांनी केले.
या वेळी बोईसर एज्युकेशन सोसायटीचे अध्यक्ष नंदकुमार वर्तक , कार्यवाह अविनाश चुरी, लोकसभा निवडणुक विस्तारक सामाजिक कार्यकर्ते बाबजी काटोळे,विद्यासेवक पतपेढीचे अध्यक्ष सुधीर घागस,पालघर तालुका क्रीडा केंद्र प्रमुख राम पाटील, तालुका विज्ञान मंडळाचे अध्यक्ष सुधाकर ठाकूर आदी मान्यवर उपस्थित होते.
आमदार अॅड निरंजन डावखरे यांनी समस्या सोडवण्यासाठी प्रयत्न केला जाईल असे आश्वासन दिले.
यावेळी शिक्षक व शिक्षकेतर कर्मचारी मोठ्या संख्येने उपस्थित होते.
Comments
Post a Comment