Skip to main content

कला शिक्षक कृतीसत्र , पालघर

 कला शिक्षक कृतीसत्र , पालघर

 
शालेय जीवनात कला- क्रीडा शिक्षकाची भूमिका अत्यंत महत्त्वाची असून या शिक्षकांनी केलेल्या संस्कारांमुळे यशस्वी माणूस घडतो असे प्रतिपादन पालघर जिल्हा परिषदेचे अध्यक्ष विजय खरपडे यांनी केले.
        पालघर जिल्हा कलाध्यापक संघ आणि जिल्हा परिषदेच्या शिक्षण विभागाच्या वतीने मंगळवारी  (ता. 26)जिल्ह्यातील कला शिक्षकांचे एका दिवसाचे कृतीसत्र पालघर येथील माध्यमिक शिक्षक पतपेढी भवन मध्ये संपन्न झाले. या  कृतीसत्राच्या उदघाटन प्रसंगी खरपडे यांनी ग्रामीण भागातील विद्यार्थ्यांमध्ये अफाट कौशल्य आंणि जिद्द असून त्यांना दिशा देण्याचे काम शिक्षकच करू शकतो असे सांगून आपल्या शालेय जीवनातील आठवणींना उजाळा दिला.
       या वेळी पालघर जिल्हा परिषदेच्या माध्यमिक विभागाचे शिक्षणाधिकारी राजेश कंकाळ यांनी कला शिक्षकांना अतिरिक्त करू नये अशी भूमिका शासनाने घेतली असून कला आणि क्रीडा शिक्षकांच्या कमी केलेल्या तासिका पूर्ववत करण्याचे आश्वासन शालेय शिक्षण व क्रीडा मंत्र्यांनी दिले आहे असे सांगितले. तसेच जिल्ह्यातील विविध उपक्रम यशस्वी पणे  राबवण्यासाठी कला -क्रीडा शिक्षक सदैव आघाडीवर असल्याचे सांगितले. या वेळी चोपडा ( जळगाव ) येथील कलाध्यापक महाविद्यालयाचे प्राचार्य राजेंद्र महाजन यांनी कृतीसत्राला मार्गदर्शन करताना शासनाच्या शिक्षण धोरणा बरोबरच शिक्षकांच्या विविध जबाबदारया काय आहेत? हे पटवून दिले.
              या वेळी पालघर जिल्हा कलाध्यापक संघांचे अध्यक्ष प्रफुल्ल घरत यांनी प्रास्ताविक केले.तर शिक्षक भारतीचे जिल्हा अध्यक्ष अनिल शेलार, पालघर तालुका शारीरिक शिक्षण शिक्षक संघटनेचे अध्यक्ष प्रमोद पाटील ,जिल्हा अध्यक्ष अजय राऊत आदींनी शिक्षकांच्या व्यथा मांडल्या.
          या वेळी प्रत्येक तालुक्यातील उत्कृष्ट कामगिरी करणारया कला शिक्षकांचा तसेच सन 2016 मध्ये राज्य आदर्श शिक्षक पुरस्कार प्राप्त शिक्षक प्रमोद पाटील व गणेश प्रधान यांच्यासह कला शिक्षक ज्ञानेश्वर माळी यांचा मान्यवरांच्या हस्ते सत्कार करण्यात आला.
         या वेळी जिल्हा परिषद सदस्या मनिषा गोरखाना, कलाध्यापक संघांचे कार्यवाह विनय पाटील,उपाध्यक्ष महेंद्र पवार, एन.डी. वाघ, विजय जोगमागॆ,सहकार्यवाह ज्ञानेश्वर माळी, खजिनदार भास्कर खेडकर यांच्या सह  पदाधिकारी आणि जिल्ह्यातील कला शिक्षक मोठ्या संख्येने उपस्थित होते.
      या कार्यक्रमाचे उत्कृष्ट सुत्रसंचालन महेंद्र पाटील यांनी केले.

Comments

Post a Comment

Popular posts from this blog

बदलतं काश्मीर... बहरतं काश्मीर... प्रमोद पाटील

बदलतं काश्मीर... बहरतं काश्मीर... - शिक्षण अभ्यासक प्रमोद पाटील          अगदीच लहानपणापासून आजतागायत मनामध्ये प्रचंड आकर्षण असलेले पण त्याचबरोबर आपण त्या ठिकाणी कधीच जाऊ शकणार नाही, ते ठिकाण आपण बघू शकणार नाही अशी सातत्याने भीती वाटत असलेले ठिकाण म्हणजेच काश्मीर. खरंतर भारताचे नंदनवन, पृथ्वीवरील स्वर्ग, सोनेरी मुकुट अशी अनेक विशेषणं ज्या ठिकाणाला कमी पडतील अशा काश्मीरला जाण्याचा योग मात्र आला.       आम्ही पालघर येथील मुक्ताई परिवाराने ११ एप्रिल ते २० एप्रिल असा दहा दिवसांचा काश्मीर दौरा केला. आज पर्यंत काश्मीर बद्दल अनेक वेळा वेगवेगळ्या पद्धतीचं वाचलं होतं. ऐकलं होतं. तसेच सोशल मीडियावर पाहिलं सुद्धा होतं. अशा या काश्मीरला भेट देतांना मनामध्ये प्रचंड उत्साहाबरोबरच थोडी भीतीची  झालर सुद्धा होतीच. कारण यापूर्वी पर्यटक म्हणून गेलेल्या काही पर्यटकां कडून काही कटू अनुभव सुद्धा ऐकले होते. त्यातच संपूर्ण कुटुंबासह काश्मीरला जाणे म्हणजेच आपण काही धोका तर पत्करत नाही ना ? अशी शंका मनामध्ये येऊन गेली. मात्र आतापर्यंत मनात असलेल्या भीतीचे रू...
11 comments
Read more

समाज माध्यमांचा विधायक वापर, पालघर मधील गुरुकुल उपक्रमशील शिक्षक समुहाचं आदर्शवत कार्य -------------------------------------------------

शालेय अभ्यासक्रमात पुस्तकातून जी गोष्ट, जे संस्कार कदाचित विद्यार्थ्यांच्या बाल मनावर बिंबविता येत नसतील तेच संस्कार आपल्या दैनंदिन व्यवहारातून, आचरणातून सहजगत्या दुसऱ्या व्यक्तीवर, विद्यार्थ्यांच्या बालमनावर प्रतिबिंबित करता येतात.     खरंतर, बालवयापासून आपले आई-वडील, आजी-आजोबा, कुटुंबातील मोठ्या व्यक्ती तसेच शाळेतील शिक्षक आपल्याला जे संस्कार करतात किंवा चांगले वागण्यास भाग पडतात त्यालाच मूल्यशिक्षण असे म्हणतात. या मूल्य शिक्षणाने एक परिपूर्ण व्यक्तिमत्व तयार व्हाव म्हणून प्रयत्न केला जातो. आज प्रत्येक व्यक्तीला मुल्यशिक्षणाची गरज असून ते शिक्षण मिळणे आवश्यकच आहे.          सध्याच्या युगात समाज माध्यमांचा विद्यार्थ्यांवर तसेच समाजातील प्रत्येक घटकांवर मोठ्या प्रमाणात परिणाम होत असतो. या समाज माध्यमांचा जर योग्य विधायक दृष्टिकोनातून वापर केला तर निश्चितच समाजाला त्याचा खूप फायदा होऊ शकतो.            पालघर जिल्ह्यातील गुरुकुल शिक्षक समुहाने समाज माध्यमाचा सकारात्मक वापर केल्याने एका गरजू शिक्षकाच्या पत्नीच्या उपचारासाठी आर्...
Post a Comment
Read more

निसर्गरम्य मालवणमध्ये बहरणार 'विशू'ची प्रेमकहाणी

निसर्गरम्य मालवणमध्ये बहरणार 'विशू'ची प्रेमकहाणी  प्रमोद पाटील, पालघर प्रतिनिधी  काही दिवसांपूर्वी प्रदर्शित झालेल्या मयूर मयूर मधुकर शिंदे दिग्दर्शित 'विशू' या चित्रपटाच्या ट्रेलर मध्ये एक डायलॉग होता. ‘ये मालवण कहा आया? त्यावर 'विशू' म्हणतो, यहा दिल में...  या एका डायलॉगने अनेक कोकणवासीयांसह अनेकांची मने जिंकली. कोकणचे निसर्गरम्य सौंदर्य, निळेशार समुद्रकिनारे, तिथली साधी भोळी माणसे, प्राचीन मंदिरे, तिथली संस्कृती, परंपरा  या सगळ्याचेच अनेक पर्यटकांना आकर्षण आहे. सौंदर्याने बहरलेले हे मालवण 'विशू' चित्रपटातून प्रेक्षकांसमोर येणार आहे. अनेकदा चित्रीकरणासाठी महाराष्ट्राबाहेरील आणि परदेशातील बेटांचा विचार केला जातो. परंतु आपल्या महाराष्ट्रातही खूप सुंदर बेटं आहेत, याचा आपल्याला अनेकदा विसर पडतो. त्यापैकीच एका सुंदर बेटाचे दर्शन आपल्याला 'विशू' पाहिल्यावर घडणार आहे.    'विशू'चे काही चित्रीकरण कोकणातील एका बेटावर करण्यात आले आहे. चित्रपटात सुंदर दिसणाऱ्या या बेटावर चित्रीकरण करणे तसे आव्हानात्मक होते. एकतर या बेटावर मोबाईलचे नेटव...
Post a Comment
Read more